ABOUT US

Harakati za kuanza kwa CASFETA zimekuwepo tangu mwaka 1984.Wakati huo Mch. JOSEPH JUSTINE alianza huduma kwa wanafunzi kama kuitikia wito wa kumtumikia Mungu, Kwa watoto na vijana hasa wa shuleni na vyuoni. Kwanza aliunda jumuiya aliyoiita “The Teenegers Bible Clubs”(TBC), ambayo iliwajumuisha wanafunzi wa shule za msingi. Mwaka 1986, Mch. J. Justine kwa ushirikiano na baadhi ya wanafunzi waliookoka mkoani DAR ES SALAAM walianzisha “THE Dar es salaam Inter Secondary Christian Students Fellowhip” (DISCF). Kwa kipindi cha kuanzia 1980-1992 vilianzishwa vikundi mbalimbali vya wanafunzi mikoani vya kipentekoste kwa lengo la kuwaunganisha. Kilimanjaro kulikuwa na kikundi kilichoitwa KISA, Singida kiliitwa CAF, Tanga kiliitwa “GOSPEL ARMY”, Ruvuma CA na Arusha kulikua na huduma iliyoitwa “THE POWER GOSPEL TEAM” ambayo ilikuwa na idara ya Huduma kwa wanafunzi.

Haja ya kuwa na umoja wa wanafunzi wa kipentekoste (Pentecostals) ya kitaifa ilikuwepo na ilijadiliwa na watu mbalimbali. Mchungaji Joseph Justine aliamua kuitendea kazi (1987). Alitengeneza Mpango Pendekezo (Proposal) na Katiba ya Awali.

Pia alitafuta ushirikiano na kutaka kuungwa mkono na watu wengine na wachungaji. Hao ni pamoja na Mchungaji John Senyagwa(1987,KLPT), Mchungaji Andrew Mwenibungu (1988,HOLINESS) , Mchungaji Titus Mkama (1990-1992,TAG) Ndugu Oddo Egino Hekela (Rais Mteule wa CASFETA,1992/1993) Ndugu Emanuel Akili (Katibu Mkuu wa kwanza wa CASFETA) na Ndugu Juliasi E Mkenda, (1993,TAG). Juhudi hizi ziliendeshwa kwa pamoja na wanachama waanzilishi wa CASFETA, mwaka 1992. Mkutano wa kwanza wa kutangaza na kuanzisha CASFETA ulifanyika tarehe 25/06/1992 katika chuo cha uhasibu Dar es salaam na ulihudhuriwa na wanafunzi 72 ambao wote walikubali kuwa wanachama wa CASFETA.

Maazimio ya kudumu ya CASFETA

1. CASFETA ni umoja wa wanafunzi wa kikristo wa aina ya Kipentekoste. Popote CASFETA ilipo izingatie misingi ya Imani ya Kipentekoste.

2. CASFETA izingatie daima umoja wa kweli katika Kristo mahali popote (Ef. 4;1-5)

      3.CASFETA ni chama chenye misingi ya ufuasi (Discipleship) kwa hiyo wanachama na viongozi           wote wa CASFETA wanatakiwa wawe wafuasi halisi wa Bwana Yesu Kristo,(Mt.28;18-20)

4. Heshima ni kitu kinachozingatiwa sana katika CASFETA hasa kwa kuzingatia kwamba wanachama katika CASFETA ni vijana. Wanapaswa KUHESHIMU na kuwajibika kwa wakubwa.

5. Neno la Mungu, yaani Biblia ndio Msingi Mkuu wa CASFETA. Wanachama na viongozi wote wanatakiwa wasome na kuelewa Biblia na kufuata maelekezo yake.

6. Elimu (Secular education ) ni jambo linalotiliwa mkazo mkazo katika CASFETA. Wanachama na viongozi wote katika CASFETA wanatakiwa wawe na bidii katika kusoma ili wafaulu vizuri mitihani yao.

Mambo makuu matatu ya kuzingatia

1) Umoja

2) Utakatifu na

3) Elimu.

Sifa za mwanachama

1. Awe mkristo aliyezaliwa mara ya pili (Aliyeokoka).
2. Awe ni mwanafunzi katika shule,chuo/chuo kikuu kwenye tawi husika.
3. Awe mshirika mwaminifu katika kanisa lake analoshiriki (local congregation).
4. Awe amebatizwa katika ubatizo wa Kipentekoste, yaani wa maji tele na kujazwa roho mtakatifu, kwa ishara ya kunena kwa lugha na awe na maisha safi yenye ushuhuda wa Kristo.

           Kupoteza au kumaliza uanachama

1. Hatatekelezai madhumuni ya chama, au kuhudumu katika masharti ya uanachama.
2. Amemaliza muda wake wa uanafuzi. Baada ya mwanaCASFETA kumaliza elimu yake atakuwa ni mhudumu katika TAYOMI.
3. Kama amefariki.
4. Mwanachama akipoteza uanachama hatakuwa na haki ya kudai chochote.